Një prind që bërtiste Allahu Akbar dhe mendohej se kishte veshur një jelek shpërthyes është qëlluar për vdekje nga policia franceze afër Parisit pasi dyshohet se i preu kokën një mësuesi të shkollës me thikë.

Viktima thuhej se ishte një mësues shkolle, i cili kishte zemëruar prindërit duke u treguar nxënësve karikaturat e Profetit Muhamed, transmeton arbresh.info

Një burim i tha Le Parisien: ‘Viktima kohët e fundit u kishte dhënë një mësim studentëve të tij mbi lirinë e shprehjes dhe u kishte treguar karikaturat e Muhamedit’.

Kjo bëri që një prind të tërbohej dhe të përballej me mësuesin me një thikë kuzhine, dhe më pas të i’a prente kokën, tha burimi.

Prokurorët francezë të antiterrorit konfirmuan se po hetonin një sulm në të cilin një burrit i’u pre  koka në periferi të Parisit.

‘Trupi i një njeriu me kokë të prerë u gjet rreth orës 5:30 të pasdites,’ tha një burim hetues.

‘Kur arriti policia, personi që mendohej se ishte përgjegjës ishte akoma i pranishëm dhe i kërcënoi ata me armët e tij.’

Vrasësi i paidentifikuar më pas u arratis në qytetin e afërt Eragny-sur-Oise, rreth dy milje larg, ku ai refuzoi të dorëzohej.

‘Ai po tundte një armë në këtë kohë dhe më tej kërcënoi oficerët,’ tha burimi. ‘Kjo nodhi kur ai u qëllua për vdekje nga policia dhe u dëgjuan rreth dhjetë të shtëna.’/arbresh.info/dailymail/